Қазаққа үлгі боларлық ұлт араптар ма? Қоғамдық сананы панарабистік идеологиядан арылту қажет!
Қазаққа үлгі боларлық ұлт араптар ма? Қоғамдық сананы панарабистік идеологиядан арылту қажет!

Шариғат туралы сөз қозғап, Алла туралы әңгіме өрбісе араптарды үлгі етіп ағынан жарылатындар жетіп артылады. Кейбіреуі өзінің ұлттық құндылығы мен ерекшелігін жат санап шариғатқа қарсы екенін дәлелдеуге тырысып бағады. Зерттеу нәтижесінде мұндай әсіре діншіл топтардың басым бөлігін  қазақ дәстүрі мен шариғаттан хабары жоқ сауатсыз  адамдар құрайтынын көрсетіп берді. Олардың қоғамдық пікірлері  «ең құрметті тіл араб тілі, үлгі аларлық ұлт арабтар» деген секілді панарабистік көзқараста қалыптасқаны байқалады. Мұндай топтар ұлттық идеологияға төнген үлкен қасірет, арты панарабистік қозғалысқа ұласып қазақ жерін араптардың ығына жығып беретін өте қауіпті  саяси процеске ұласуы бек мүмкін. Әсіредіншіл топтардың ислам хаққында түсінігі өте төмен. Басты қателігі ислам діні мен араб халқының  жергілікті дәстүрін айыра алмайды. Олардың дін етіп жүргені арабтардың дәстүрі. Шариғат деп жүргені жабайы арабтардың күнделікті қарым-қатынасынан пайда болған ережелер жиындығы.

Шын мәнінде жер бетінде қазақтан (мұсылманға) үстем, үлгі боларлық таңдаулы халық араптарма?

 Ислам дінінің мәйегі қасиетті Құран кәрімнің  Хұжұрат сүресінің 13 аятында: «Әй адам баласы! Шүбәсіз сендерді бір ер, бір әйелден  жараттық. Сондай-ақ, бір-біріңді тануларың үшін сендерді ұлттарға және руларға жіктеп қойдық. Шынында, Алланың құзырында құрметтілерің тақуалы болғандарың. Алла шексіз білгір, бәрінен хабардар» делінген. Аятта анық көрсеткендей адам баласын бір атадан жаратып түрлі ұлыстарға бөлудің хикметі олардың дәрежелерін бір-бірінен арттыру емес, бірін-бірі танып білулері үшін көрсетіп тұрғанын байқауға болады. Әрі қарай аяттың екінші бөлігінде «Аллаға жақындарың тақуаларың» деп айқын әрі ұғынықты етіп көрсетіп береді. Яғни Араб болғаның үшін емес тақуалығың үшін Аллаға жақындай аласың дегенді меңзейді. Технология дамып ғылым қарыштап өсіп жатқан заманда арап ұлтын қазаққа ұстаз етіп жүрген топтар араб тарихы мен ислам тарихының парқына жете алмай араб дәстүрінің көлеңкесінде қалып қойған дүмше діндарлар. Мұндай адасушы топтар  арап халқы болмаса ислам діні жер бетіне жайылмайтындай есептейді.

Тарих куә ислам дінін жер бетіне таратуда араптардың емес қазақтың түб атасы батыр түріктердің алар орыны ерекше. Орта Азия мен балканға, солтүстік африкаға дейін ислам дінін таратып, жабайы халықтарды мұсылман еткен түріктер екенін ешкім жоққа шығара алмайды. Араптар болса араб түбегінен әрі аспай құмды далада өз ара жанжалдасып жікке бөлініп кетті. Мақтаныш ететіні араб атының тұяғы пиринейге дейін жетіп Батыс еуропада Кордова халифатын  құрғанымен, ХІ-ші ғасырда халифаттың тас талқаны шығып христиандардың қолына өтіп кетті. Парсы шығанағы мен кавказ аймақтары халифалыққа талас барысында өзара шаһари жауласып шииттік сектаға бөлініп кетті. Соның салдарынан қазірге дейін өздерін мұсылман санайтын шииттер суннитермен біріге алмай отыр.

Арабтар қан мен кикілжіңге құмар, бір тұтастықты қолда ұстай алмайтын халық екенін тарих дәлелдеп берген. Пайғамбарымыз сғс дүниеден өте салысымен халифалыққа таласып  пайғамбарымыз жұмақпен сүйіншілеп кеткен,  хазіретті халифа  Османға он үш түрлі жала жауып, Әлиді  кәпір деп айыптап қастандықпен өлтіреді. Жауыздықтың кең тарағаны сонша әзіз сахаба Абдулла ибн Хубабты қастандықпен өлтіріп, жүкті әйелінің қарнын аяусы ақтарып тастайды. Ислам тарихында өз ара жікке бөлініп шынайы мұсылман мемлекетін құрамыз деген жалған ұранмен сахабаларды қырғынға ұшыратқан екі үлкен қанды оқиғаны жасайды. Бұл шайқастар тарихта Жамал және Сиффин деген атпен қалғаны белгілі. Бұдан бөлек екі саяси топтың ымырасыздығынан пайғамбарымыздың сүйікті немересі Хусейінді Кербала қаласында азаптап өлтіреді. Осындай қанды оқиғаларды жасап, пайғамбарымыз сғс немересін өлтіруден тайынбаған ұлттарды үлгі етуіміз сауатсыздықтан басқа ештеңеде емес. Тұтастыққа жаны қас бүлікке құмар араб халқы бүгінге дейін «тура дін ұстану» мен «халифа орнату» сынды жалған ұранмен өзара қырық пышақ болып шиит, ғулат, алауит, зейдит, муғтазалия,мүржия, жахмия, имамия, исмаилия, қадария, харажит, уаһабия, хизбут-тахрир, таблиғ, тәкфир уәл хиджра, мадхали, сурури сынды түрлі жамағаттарға бөлініп кетті. Мұсылмандар әлемінде пайда болып жатқан осындай діни, саяси топтардың барлығы дерлік араб мемлекеттері арасында, немесе араб тілділер арасында ортаға шыққан, және бұл процес бүгінге дейін үздіксіз жалғасып келе жатыр. Бүлікке бір қадам жақын араптар халифат үшін келісім шартты бұзып дінді өзгертуге дейін барады. Мысалға Сауд  ұрпақтары билік құрып отырған арабстанда ресми мазһаб ағылшындарға қызмет еткен Абдул Уаһабтың  идеологиясына негізделген, және бұл идеология араб сахарасына күштеп енгізілген. Себебі Сауд ұрпақтарының билікке келуіне бірден бір себепкер ағылшын отаршылдарына қызмет еткен Абдул Уаһабтың ықпалы болған. Абдул Уаһабтың діни сенімі мен шариғи ұстанымы ислам әлемі мойындаған төрт мазһабпен үйлесім таппайтын бесінші мазһаб болып табылады. (асылында 5-ші мазһаб жоқ)

 Қазіргі кезде тілі мен діні бір араб халықтары 22 мемлекетке бөлініп кеткен. Бір тілде сөйлеген бірнеше араб елі бір халифатқа бірікпей отырғанда, тілі мен дәстүрі бөлек түркі халықтарына халифат орнатамыз деп ұрандап жүрген саяси топтардың негізгі мақсаты халифат емес тұтас мемлекетті бөлуге негізделген теріс идеология екенін есте ұстағанымыз жөн.

Әсіре діншілдердің айтып жүрген осындай жалған ұрандарынан сақ болып ұлттық болмысымызды жоғалтпай Алладан алған аманатты  өзіне қайтарсақ осының өзі үлкен сауапты іс болатыны хақ.

Сөз соңында: Біз мұсылманбыз, Араб емеспіз Қазақпыз!  Қазақпын деген қандай бақыт!!!

Марат Қайратұлы

тарих, қазақ, қазақ тарихы, араб тарихы, ислам мен арап, араптар, қазақ дәстүрі, таза ислам діні
Марат ҚайратұлыМарат Қайратұлы
2 жыл бұрын 1936
6 пікір
  • BQ
    МашаАллах, керемет жазыпсыз. Осындай макалада БАК беттеринде кенинен таралу кажет деп сураймын. Сосын осы сынды, накты, объективти сараптамалар кажет.
    2 жыл бұрын
  • Алланың адамзатты ұлтқа бөліп жаратуының екі сыры бар секілді. Оның біріншісі - адамдар тек бір ұлттың өкілі болып жаратылса, инкубаторға ұқсас, бірыңғай тобырға айналып, Жаратушының шеберлігіне көлеңке түсіргендей болар еді. Екіншіден, бұл өмір - сынақ мекені, олай болса, ұлттардың бір-бірін ығыстырып, өздерінің мүддесі үшін екіншісін жойып жіберуі де сынақтан өте алмаған деген ой келеді. Сан алуандық, әртүрлілік -Жаратқан шеберлігін паш етпей ме
    2 жыл бұрын
  • Осыған бола бүкіл ұлтты жамандап тастағаны ңыз не? "Бір қарын майды бір құмалақ шірітеді" дегендей, ия болмаса "семья не без уродов". "Өз ісіңе сыртыңнан қара" деген бар емес пе!?
    2 жыл бұрын
    • Құрметті Мұқа! 5 саусақ бірдей емес екені бесенеден белгілі емеспе, оны көзі қарақты оқырман ажырата алатын шығар. Араптар туралы бұл жазбамды "Қазақ халқы қонақ жай" деген сияқты белгілі бір ұлтқа тән қасиет деп түсінсеңіз болғаны. Асылында қазақтың бәрі қонақжай емесқой. Қонақжай болса бізде "Шық бермес шығайбай" деген ұғым қалыптаспас еді.
      2 жыл бұрын
  • осы мақалаң ұлт,кз-ке де шығыпты. демек, көптің көкейінде жүргенін дөп басқансың
    2 жыл бұрын
  • abai.kz-ке де шығыпты. және көп адам пікір білдіріпті
    2 жыл бұрын
Блог туралы